Орто-Сай базарындагы «Керемет Банк-Манас» борбордук филиалы 13-июнга чейин убактылуу иштебейт
Борбордун базарларында COVID-19 вирусун жугузуунун санынын көбөйүүсүн эске алып, жана коронавирустук инфекциянын андан ары жайылуусунун алдын алуу максатында Бишкек шаарынын мэриясына караштуу Эпидемияга каршы жана эпизоотияга каршы шаардык өзгөчө комиссия «Орто-Сай» базарынын аймагындагы ишкердик субъектилеринин ишмердүүлүгүн убактылуу токтотууга токтом кылды.
2020-жылдын 10-июнунан 13-июнуна чейин Донецкая, Юнусалиев, Жукеев-Пудовкин жана Безымянная көчөлөрү менен чектелген чарчыда дезинфекция жүргүзүлөт. Ушуга байланыштуу «Керемет Банк» ААКнун Жукеев-Пудовкин көч., 61 дареги боюнча жайгашкан "Керемет Банк-Манас"филиалы, Бишкек шаарынын мэриясынын Токтомуна ылайык жумуштарды жүргүзүү мезгилинде убактылуу жабылат.
Жакын жайгашкан тейлөө чекиттери жана банкоматтык жабдуулар жөнүндө маалыматты «Керемет Банктын» күнү-түнү иштөөчү байланыш-борборунан (0312) 55 44 44 телефону же WhatsApp аркылуу (0557) 55 44 44 телефону боюнча тактоого болот.
Убактылуу ыңгайсыздыктар үчүн кечирим сурайбыз жана сиздердин түшүнүүңүздөрдөн үмүттөнөбүз. Өзүңүздөрдү жана жакындарыңыздарды сактаңыздар!
