«Керемет Банк» Эл аралык Silk Road – 2023 марафонго катышты
Ишемби, тагыраак айтканда 13-май күнү «Керемет Банк» ААК Чолпон-Ата шаарында болуп өткөн Эл аралык Silk Road – 2023 марафонго катышып келди.
Аталган иш-чара Кыргыз Республикасынын Улуттук олимпияда комитетинин колдоосу алдында КР Маданият, маалымат, спорт жана жаштар саясаты министрлиги, Жеңил атлетика федерациясы, «Эл аралык марафон дирекциясы» «Керемет Банк» ачык акционердик коому (мындан ары - Банк) тарабынан Кыргызстандын жаштары арасында спортту өнүктүрүү жана ага колдоо көрсөтүү, ошондой эле активдүү жашоо образын жайылтуу максатында уюштурулган.
Иш-чарага Банктын 14 кызматкери катышкан. Марафонго Казакстан, Беларуссия, Кытай, Өзбекстан, Монголия, Иран өңдүү дүйнөнүн 20 өлкөсү катышып, катышуучуларынын жалпы саны 3 миң адамга жеткен.
Жөө күлүктөрдүн бул жарышы Бактуу-Долоноту айылындагы ипподромго таандык аянтта старт алган. Катышуучулар төмөнкү аралыкка чуркашкан:
- марафон — 42 километр 195 метр;
- жарым марафон — 21 километр 97 метр;
- 10 километр аралыкка чуркоо;
- 10 километр аралыкка чуркоо;
- 10 километр жана 3 километр аралыкка скандинавиялык жөө басык.
Марафондун жыйынтыгы боюнча марафон катышуучулары төш белгилер жана ар кыл белек-бечкектер менен сыйланган.
«Керемет Банктын» жетекчилиги республиканын жаштары арасында спорттук духтун өнүгүүсүнө жана активдүү жашоо образынын жайылышына өбөлгө болуучу бул өңдүү чоң иш-чаранын уюштуруучуларына терең ыраазычылык билдирет!
