Корпоративдик катчы

"Керемет Банк" ААКсынын корпоративдик катчысы бул, банк менен акционерлердин, акционерлер менен Директорлор кеңешинин, банктын Директорлор кеңешинин, Башкармалыгынын алдындагы кызматтар жана башка органдар ортосундагы тутумдаштырылган коммуникацияны камсыз кылган адам. Банктын башкаруу органдары менен кызмат адамдарынын ортосундагы алгылыктуу корпоративдик өз ара катышка, ошондой эле банктын кызыкчылыктарында корпоративдик чечимдерди өз учурунда жана сапаттуу кабыл алууга өбөлгө түзүү аркылуу, банктын жогорку жана байкоочу органдарынын ишин уюштуруу менен корпоративдик башкарууну өркүндөтүү жүрүмүнө көмөктөшөт. Корпоративдик катчы, корпоративдик башкаруу жөнүндө жобону колдонуу менен алардын ишкердигине тиешелүү маселелер боюнча Директорлор кеңешинин мүчөлөрү үчүн кеңешчи ролун аткарат, ошондой эле банктын Акционерлеринин жалпы жыйналышынын жана Директорлор кеңешинин чечимдерин жүзөгө ашырууга мониторингди жүзөгө ашырат. Корпоративдик катчы, милдеттерин көзкарандысыз негизде жүзөгө ашырган банктын кызмат адамы болуп саналат. 

Банктын корпоративдик катчысы – Чынтемиров Мирлан Джолоевич

Кыргыз Республикасынын Өкмөтүнө караштуу Кыргыз мамлекеттик юридикалык академиясынын «Башкаруу жана укук» факультетин аяктаган. Өз эмгек жолун Кыргыз Республикасынын Жаштар иштери боюнча министрлигинде иштөөдөн баштаган. 2012 жана 2017-жылдар аралыгында Кыргыз Республикасынын Эмгек жана социалдык өнүктүрүү министрлигинин Укуктук камсыздоо бөлүмүндө, Эмгек башкармалыгында жана Жумушка орноштуруу башкармалыктарында башкы адис болуп эмгектеген. 2018-2021-жылдары «Ошэлектр» ААК, «Жалалабатэлектр» ААКларында корпоративдик катчы кызматын аркалаган. 2021-2023-жылдар аралыгында «Улуттук энергетикалык холдинг компаниясы» ААКсында корпоративдик маселелер боюнча корпоративдик катчы, юрист, эксперт кызмат орундарында эмгектенген. 2023-жылдын сентябрынан тартып «Керемет Банк» ААКга Корпоративдик катчы болуп дайындалган.